နတ်သားတစ်ယောက်က ဘုရားရှင်ကို မေးလျှောက်ပါတယ်။
“မြတ်စွာဘုရား၊ ခရီးသွားရဲ့အဖော်က ဘယ်သူလဲ၊
အိမ်မှာနေသူရဲ့အဆွေခင်ပွန်းက ဘယ်သူလဲ၊ အလုပ်ကိစ္စလုပ်သူရဲ့ အဆွေခင်ပွန်းက ဘယ်သူလဲ၊ တမလွန်သွားသူရဲ့
အဆွေခင်ပွန်းက ဘယ်သူပါလဲဘုရား။”
“နတ်သား၊ ခရီးသွားရဲ့ အဆွေခင်ပွန်းကတော့
ခရီးအတူသွားတဲ့ အဖော်ပါပဲ။ အိမ်မှာနေသူရဲ့ အဆွေခင်ပွန်းကတော့ အမေပါပဲ။
အလုပ်ကိစ္စလုပ်တဲ့အခါ လုပ်ဖော်ကိုင်ဖက်သူငယ်ချင်းဟာ အဆွေခင်ပွန်းပါပဲ။
တမလွန်အတွက်တော့ ကုသိုလ်ဟာ အဆွေခင်ပွန်းပါပဲ။”
ခရီးသွားလို့ ဒုက္ခကြုံတဲ့အခါ ခရီးအဖော်ကောင်းက ကိုယ့်ကိုကူညီမှာပါ။ ဒုက္ခရောက်မှပဲ သူဟာအဖော်ကောင်းဟုတ်မဟုတ် ဆိုတာ သိရမယ်။ တစ်ကိုယ်ကောင်းမဆန်ပဲ အပြန်အလှန်ကူညီတတ်သူဟာ မိတ်ဆွေကောင်းပါပဲ။ သူဒုက္ခရောက်ရင် ကိုယ် ကူညီ၊ ကိုယ်ဒုက္ခရောက်ရင်
သူကူညီ။ ဒါမှလည်း အဆွေခင်ပွန်းပီသမယ်လေ။ အဲဒီလို မိတ်ဆွေကောင်းကို တန်ဖိုး ထားမြတ်နိုးပေးပါ။
အိမ်မှာနေရင်တော့ အမေဟာ အကောင်းဆုံးအဆွေခင်ပွန်းပါပဲ။
အမေ့ရဲ့ မေတ္တာစောင်ရှောက်မူအောက်မှာ ရှိနေတာလေ။ ကျန်းမာရေး၊ စားဝတ်နေရေး၊ လင်နဲ့
သားသမီးတွေရဲ့ ဝေယျာဝစ္စအားလုံးကို လုပ်ပေးနေတာ။ ဒါကြောင့် အမေကို
တန်ဖိုး ထားလေးစားရမယ်။ အမေကို ချစ်မြတ်နိုးရမယ်။
စီးပွားရေးလုပ်တဲ့အခါမှာတော့ သစ္စာရှိတဲ့
လုပ်ဖော်ကိုင်ဖက် သူငယ်ချင်းဟာ အဖော်ကောင်းပါပဲ။ ဒါကြောင့် သူ့ကို လည်း
လေးစားချစ်ခင်ရမယ်။ သူ့အကျိုးကိုယ့်အကျိုး အပြန်အလှန်ဆောင်ရွက်ရမယ်။
သူစီးပွားရေးအခတ်ကြုံတဲ့အခါ ကိုယ်က ကူညီ။ ကိုယ်အခတ်ကြုံတဲ့အခါ သူက ကူညီ။
ဒီလိုသူငယ်ချင်းမျိုးကိုလည်း တန်ဖိုးထားပါ။
နောက်ဆုံးအဆွေခင်ပွန်းကတော့ ကုသိုလ်ပေါ့။ သူကတော့
ဘ၀ဆက်တိုင်း ကူညီပေးလိမ့်မယ်။ နောက်ဆုံးနိဗ္ဗာန်ရောက် တဲ့ထိ မပူမပင်မကြောင့်မကြနဲ့
နေနိုင်အောင် ကူညီပေးမယ်။ ဒီကိုသိုလ်အဆွေခင်ပွန်းကိုတော့ များနိုင်သမျှများအောင်
ဆည်းပူး ထားဖို့လိုပါတယ်။
အားလုံး အဆွေခင်ပွန်းကောင်းတွေ ပိုင်ဆိုင်နိုင်ပါစေ။
အဆွေခင်ပွန်းကောင်းတွေရဲ့ ကူညီစောင့်ရှောက်မူတွေ ရရှိနိုင်ပါစေ။ ကိုယ်ကလည်း
အဆွေခင်ပွန်းကောင်းတွေကို တန်ဖိုးထား ကူညီစောင့်ရှောက်နိုင်ပါစေ။
(မိတ္တသုတ်)
No comments:
Post a Comment