Separate body but single mind
ဘုရားရှင်ကိုယ်တော်မြတ်ဟာ တစ်နေ့မှာ ဂေါသိင်္ဂလို့ခေါ်တဲ့
ဥယျာဉ်ထဲကို ကြွတော်မူပါတယ်။ ဥယျာဉ်ထဲမှာ သီတင်းသုံးနေ တဲ့ အရှင်အနုရုဒ္ဓါ၊ အရှင်နန္ဒိယ၊
အရှင်ကိမိလလို့ခေါ်တဲ့ ရဟန်းသုံးပါးကလည်း ဘုရားရှင်ကို ခရီးဦးကြိုဆိုလို့ နေရာထိုင်ခင်း
ပြင် ဆင်ပေးပါတယ်။ ဘုရားရှင်ရဲ့ စိတ်ထဲမှာ အရမ်းအေးချမ်းလိုက်တာ။ သာယာတိတ္ဆိတ္တဲ့ ဥယ်ာဥ္ပဲ။
ကြည့်ရှုရတာကိုက မျက်လုံး ထဲမှာ ပသာဒဖြစ်နေတယ်။ အတူနေသီတင်းသုံးနေတဲ့ ရဟန်းတော်များကို
ကြည့်ရတာလည်း အရမ်းကို အေးချမ်းတာပဲ။ မြင်မြင် သမျှတွေဟာ အရမ်းကို လှပအေးချမ်းနေပါတော့တယ်။
"ချစ်သားတို့ ဒီဥယျာဉ်ထဲကို ကြွလာရတာ လွန်စွာမှ ကြည်နူးလှတယ်။
ဘယ်လိုအရာတွေနဲ့ ဥယျာဉ်ကို တန်ဆာဆင်ထားကြ သလဲ"
"မှန်လှပါဘုရား။ ဘုရားတပည့်တော်တို့ဟာ ဆန့်ကျင်ဘက်စကားမျိုးတွေမပြောပဲ
နို့နဲ့ ရေရောထားသလို နှစ်ကိုယ်တစ်စိတ်နဲ့ နေနေကြပါတယ်ဘုရား။ အချင်းအချင်းတွေ့အခါမှာ
ချစ်ခင်ရင်းနှီးတဲ့မျက်စိနဲ့ ကြည့်ကြပါတယ်။ တပည့်တော်တို့ဟာ အတိတ် ကံကြောင့် ဒီဘ၀မှာ
အတူဆုံခွင့် သီတင်းသုံးခွင့်ရကြတာဖြစ် လူဖြစ်ရကျိုးနပ်သည့်အပြင် တစ်ယောက်နဲ့တစ်ယောက်
ကာယကံ၊ ၀စီကံ၊ မနောကံမေတ္တာတွေနဲ့ ဆက်ဆံပြောဆိုကြပါတယ်ဘုရား။ ကိုယ့်ဖြစ်ချင်တာကို ဘေးထားပြီး
အားလုံးရဲ့ ဆန္ဒကိုပဲ ဦးစားပေး ပါတယ်ဘုရား။ ဒါကြောင့်မို့လည်း ဘုရားတပည့်တော်တို့ဟာ တစ်အူတုံဆင်း ညီအကိုအရင်းမဟုတ်သော်လည်း
တကယ့် ညီရင်း အကိုလိုပါပဲ ဘုရား။ ကိုယ်အားဖြင့် သုံးခုကွဲနေပေမယ့် စိတ်ကတော့ တစ်စိတ်တည်းပါပဲဘုရား။"
အဲဒီလို လျှောက်ထားတဲ့အခါမှာ ဘုရားရှင်ကိုယ်တော်မြတ် အားရ၀မ်းသာ
သာဓုခေါ်တော်မူပါတယ်။
အရမ်းအတုယူစရာကောင်းတဲ့ နေထိုင်နည်းစနစ်ပါပဲ။ မိမိတို့အားလုံးဟာလည်း
အတိက်ရေစက်ကြောင့် သူငယ်ချင်းအဖြစ်၊ ညီအကိုအဖြစ်၊ လုပ်ဖော်ကိုင်ဖက်အဖြစ် လာဆုံကြရတယ်။
ခုလို ဆုံကြတဲ့အခါမှာ ရဟန်းသုံးပါးနေထိုင်သလို နှစ်ကိုယ်တစ်စိတ် ထားဖို့ လိုအပ်ပါတယ်။
မေတ္တာ၊ သစ္စာ၊ ခန္တီတရားလက်ကိုင်ထားလို့ ညီညွတ်စွာ နေကြမယ်ဆိုရင် လာဆုံရကျိုးနပ်ပါတယ်။
အားလုံးနှစ်ကိုယ်တစ်စိတ်ထားနိုင်ကြပါစေ။
No comments:
Post a Comment